Albuma Yeqîn H. ”Nehberk” bi rêya SesMedia gihîşt ber destê guhdarên muzîka kurdî. Di albumê de 9 stran hene û hemû yên Mihemed Şêxo ne
Yeqîn H. sala 2011’an jî albuma ”Mahabad” ji Kom Muzîkê derxistibû, û muzîkhezan dikarî wê biecibînin yan jî neecibînin. Pirtûkeke helbestan a Yeqîn H. jî heye. Pirtûka wî ”Elîfbêtk” par ji Weşanên Belkî derketibû. Yeqîn H. Ji sala 2017’an ve li Swîsreyê dimîne.
Tomarkirina dengan ji bo albûmê H.Murat Sigirci, Bulent Bapîr kirine. Herçî aranje ye dîsa ya H.Murat Sigirci ye û mîks-masterînga wê Bulent Bapîr kiriye. Stranên Mihemed Şêxo yên di albûmê de cih digirin ev in: Nesrîn (helbesta Xelef Zêbarî ye), Mixabin (helbesta Sebrî Botanî ye), Hey can (helbesta Mistefa Etrûşî ye), Gewrê (helbesta Kemal Şanbaz e, beste jî ya Mehmûd ‘Ezîz Şakir e), Ciwan î (helbesta Mistefa Etrûşî ye), Şikrayê (gelerî-Seîd Yûsiv), Were were (helbest û besteya Ferîq Akreyî ye), Eman dilo (helbesta Yusif Berazî -Bêbihar- û beste jî ya Mehmûd ‘Ezîz Şakir e), Şêrînê nûgîhayê, (helbesta Cegerxwîn e, beste jî ya Mihemed ‘Elî Şakir û Mehmûd ‘Ezîz Şakir e). AMED
