Rêxistina Efûyê ya Navneteweyî piştî xwekuştina du xebatkarên xwe derbarê rewşa xebatkaran de raporek amade kir
Rêxistina Efûyê ya Navneteweyî piştî xwekuştina du xebatkarên xwe Gaetan Mootoo û Rosalind McGregor têkildarî rewşa xebatkarên xwe raporek amade kir. Di raporê de tê diyarkirin ku têkildarî mirina xebatkaran rêxistin armanc dike ku pirsgirêkan bi xwe tespît bike û ji bo aramiya xebatkaran rêyek peyda bike. Di raporê de pirsgirêkên wek zayendperestî, nijadperestî, cîhekariya statuyê û bûyerên tacîzê ku xebatkar pê re rû bi rû diminin, cih digire.
Rapor li ser pirsên ku 475 xebatkarên rêxistinê bersivê dane, hatiye amadekirin. Li gorî raporê kesên ku tev li anketê bûne ji wan sedî 19 ji salekê kêmtir li saziyê dixebitin, ji sedî 81 ji salekê zêdetir dixebitin û ji sedî 32 jî ji pênc salan zêdetir in dixebitin. Her wiha herî zêde jin tev li vê anketê bûn.
Li gorî raporê xebatkar herî zêde ji stres, fikar, depresyon, nijadperestî, zayendperestî û cîhekariyê bi gazinc in.
