Welatê Rojakewtena mîyanêne û Balkanan Washington de ameyî têhet, seba Sûrîye pêşnîyarîyê çareserîya sîyasîye pêşkêş kerdî, hemverê hêzanê ke ‘wazenê bi rayîrê leşkerî çareserî virazê û herême de bêhuzûrîye virazê’ hîşyarî daye.
Kombîyayîşê Washingtonî de wezîrê Karê Teberî yê DYA, Brîtanyaya Girde, Almanya, Fransa, Suûdî Erebistan, Misir û Urdunî hadre bîyî.
Eşkerayîya ke dimayê kombîyayîşî de amî dayene de şerê mîyanênî yê Sûrîye tede ame ercnayene û nê ameyî vatene: “Sûrîye de çareserîya leşkerîya çina, alternatîfê çareserîya sîyasîye zî çino.” Eşkerayîye de ame vatene ke seba ke şero mîyanên ê Sûrîye biqedîyo, lazimî bi dîplomasîye esta. Êyê ke wazenê bi rayîrê leşkerî çareserî biyarê û kewtê mîyanê têgêrayîşanê bêhuzûrkerdişê herême, ameyî hîşyarkerdene ke tena ê şerî hîna kenê xurt. Eşkerayîye de ame vatene ke do paştî bide ‘cehdanê’ temsîlkaro taybet ê NYyî yê Sûrîye Geîr Pedersenî. WASHÎNGTON
