Îranê 6 sal cezayê girtîgehê li parêzer û mamostayê zanîngehê Mesûd Şems Nejad birî
Li gorî agahiyên Tora Mafê Mirov a Kurdistanê dane, parêzerê kurd Mesûd Şems Nejad yê ji bajarê Urmiye ya rojhilatê Kurdistanê di 8’ê çileyê de, ji aliyê hêzên ewlekarî yên rejîma Îranê ve hat binçavkirin û di 31’ê çileyê de ji aliyê dadgehê ve bi îdiaya ku “Propaganda li dijî desthilatê kiriye û hewl daye rewşa ewlekarî ya neteweyî xirab bike” 6 sal cezayê girtîgehê lê hatiye birîn.
Parêzer û mamostayê zanîngehê Mesûd Şems Nejad di sala 2014’an de jî 37 rojan ji aliyê Îtliata Îranê ve li Urmiyeyê hat binçavkirin. Piştre bi razandina 1 milyar tumenê Îranê hatibû berdan.
Mesûd Şems Nejad parêzerî ji girtiyê siyasî yê kurd Hebîbûlah Gulperîpur û yê ku ji aliyê rejîma Îranê ve hat bidarvekirin kiribû. Her wiha parêzeriya gelek girtiyên kurd ên siyasî kiriye. ÛRMIYE
