Parlamenterê HDPyî badê Colemêrgî resayî Wan. Polîsan vernîya parlementeran pada û nê vatişan înan tehdit kerdî: “Hadê rayîr şêrên ma şima bivînî.”
Parlamenterê Colemêrgî Saît Dede û Palamentera Partîya Demokratîke ya Şaran (HDP) ya Amedî Salîha Aydenîz bi siloganê ‘Roja 100. de ver bi Leyla ra, Ma do tecrîd bişiknî’ Colemêrg ra ver bi Amedî kewtî rayîr. Aydenîz û Dede badê ke resayî qezaya Elbakî û bajarokê Xoşanî ya qezaya Payîzava ya Wanî rayîrşîyayîş viraştî û saetanê şewe de resayî Wan. Dede û Aydenîze serê Raşteyê Îkî Nîsanî peya bîyî û parlementerê HDPyî yê Wanî Murat Sarisaçî reyde pêvînayîş viraştî. Nê mabenan de parlementerî hetê polîsan ra ameyî vindetiş û polîsan parlamenteran tehdit kerdî.
Polîsî bi mehneya rayîrşîyayîşî vernîya parlementeran padayî. Polîs bi cixareyp destê xo parlementeran wina tehdit kerd: “Hadê rayîr şêrên ma şima bivînî.”Parlamenter Sarisaç zî reaksîyon nîşanê polîsan da û va: “Hedê xo bizanênê. Seba ke ma çalakî birazî ma şima ra destûr nêgênî. Ma do çalakîya xo pê bîyarî. Suleyman Soylu rê vajêne ma do camêrdîya ci nîşanî her kesî bidî.”
Badê munaqeşeyan polîsî verê parlamenteran ra şîyî. WAN
