Parlamenter û senatorên Fransayê bi nameyekê ji hikûmeta Fransayê xwestin ku ji bo destekkirina têkoşîna jinên kurd a li rojava û bakurê Sûriyeyê û çalakiyên greva birçîbûnê yên ji bo rakirina tecrîda li ser Ocalan, bi lezgînî bikevin nava liv û tevgerê
Bi dehan parlamenter û senatorên ji partiyên navxweyî yên Fransayê bi nameyekê ji hikûmeta Fransayê xwestin ku bi lezgînî bi Konseya Ewlehiyê ya Neteweyên Yekbûyî re têkilî deyne û xwedî li Rojava ya di hedefa Tirkiyeyê de û li berxwedana jinên kurd ên di grevê birçîbûnê de ne, derkeve.
Di nameya vekirî de ku ji partiyên rastgir, çepgir, ekolojîst û hilbijartiyên fransiz pêk dihat, şerê jinên kurd ên li Rojava û berxwedana greva birçîbûnê ya bi pêşengiya hevseroka Kongreya Civaka Demokratîk (KCD) û parlamentera HDP’ê ya Colemêrgê Leyla Guven a li dijî tecrîda li ser Rêberê Gelê Kurd Abdullah Ocalan hate destnîşankirin.
Şermezariya hêzên navneteweyî
Di nameyê de hat diyarkirin nayê qebûlkirin ku welatên rojavayî rûyê xwe ji rewşa kurdên Sûriyeyê vegerînin û hat gotin ku tevî têkoşîna bi israr a jinên kurd a li dijî DAIŞ’ê jî destûrdayîna hêzên hêzên navneteweyî ya ji bo ku Erdogan Efrînê dagir bike, cihê şermezariyê ye.
‘Têkoşîna wan ji bo azadiya jinê dibe mînak’
Di nameyê de hat destnîşankirin ku tevî şertên giran ên şer jî jinên kurd, ereb û gelên din bi hev re dijîn, pergaleke demokratîk û ekolojîk a li ser mafê jinê ava kirine û ev tişt hatin gotin: “Jin ji bo aştiya li ser diyaloga domdar a gelan ava bikin têdikoşin. Reqqa ji DAIŞ’ê hat rizgarkirin û ji hêla şaredareke jin ve tê birêvebirin. Têkoşîna wan a ku ji azadiya jinê re dibe mînak, hişmendiya dewletî ku xizmetê ji netewperestî û olperestiya radîkal re dike, dihejijîne.”
‘Erdogan ji fikrên jinên kurd ditirse’
Her wiha hat gotin ku êrîşên dewleta tirk ên li dijî kurdên rojava û bakurê Sûriyeyê, şoreşa jinan hedef digire û wiha dom kir: “Ji ber ku jin li dijî tundiya dewletê radiwestin, wêrek in û ji bo her kesî wekheviyê dixwazin, dibin hedefa Tirkiyeyê. Serokkomarê tirk çavnebariyê li azadiyeke wiha dike û ditirse ku ev fikr li Rojhilata Navîn belav bibe.”
Çalakiyên greva birçîbûnê
Piştre jî parlamenterên fransiz bal kişand ser rewşa li Tirkiyeyê û ev tişt parve kirin: “Dewleta tirk ji bo ku li girtîgehan bi hezaran girtiyên jin û mêr tune bibin hemû derfetan bi kar tîne. Li girtîgehan hemû cureyên zextê, kêmkirin û tacîzê hene. Greva birçîbûnê ya Leyla Guven ku bi şert hatibû berdan a ji bo demokrasî, mafê mirovan û dadweriyê jî didome. Her wiha tevî Guven, 259 girtiyên siyasî yên jin û mêr ji bo şikandina tecrîda kêfî ya li ser xwe û lîderên xwe rêzdar Abdullah Ocalan ketine greva birçîbûnê.”
Xwestin ku hemû girtiyên siyasî bên berdan
Name wiha bi dawî dibe: “Em bang li hemû parlamenterên Fransayê dikin ku piştgiriyê bidin têkoşîna jinên kurd. Divê projeya wan a civaka azad a li dijî êrîşên Tirkiye û DAIŞ’ê bê destekkirin. Em dixwazin ku serokkomarê Tirkiyeyê Erdogan hemû girtiyên siyasî yên jin û mêr berde. Em bang li Fransayê jî dikin ku ji bo sazkirina aştiyê ya li herêmê, bi mebesta çareseriyeke siyasî, ji bo kurdên li Sûriyeyê bikeve ber parastina navneteweyî û bi lezgînî, bi asta Konseya Ewlehiyê ya NY’ê kêferatê bike.”
Senator û parlamenterên ku nameya vekirî îmze kirine û partî û bajarên ku jê hatine hilbijartin wiha ne:
Senator:
Laurence Cohen-Partiya Komunîst a Fransiz (PCF), Val-de-Marne
Cathy Apourceau-Poly- PCF-Pas-de-Calaîs
Elîane Assassî- PCF- Seîne-Saînt-Denîs
Esther Benbassa- Partiya Ewropayê ya Partiya Keskan (EELV)-Parîs
Annîck Bîllon-Yekitiya Navendî, lîberaller (UC)-Vendée
Maryvonne Blondîn- Partiya Sosyalîst (PS)-Fînîstère
Célîne Boulay-Espéronnîer, Komarparêz(LR)-Parîs
Marîe-Thérèse Bruguîère, LR-Hérault
Célîne Brulîn, PCF-Seîne-Marîtîme
Cécîle Cukîerman, PCF-Loîre
Laure Darcos, LR-Essonne
Nathalîe Delattre, Çepgirên Radîkal û Sosyalîst (RDSE)-Gîronde
Sonîa De la Provôté, UC Grubu-Calvados
Catherîne Deroche, LR -Maîne et Loîre
Elîsabeth Doîneau, UC-Mayenne
Nîcole Duranton, LR-Eure
Frédérîque Espagnac, PS-Pyrénées-Atlantîques
Corînne Féret, PS-Calvados
Martîne Fîlleul, PS-Nord
Mîchelle Gréaume, PCF-Nord
Jocelyne Guîdez, UC-Essonne
Corînne îmbert, LR-Seîne-Marîtîme
Vîctoîre Jasmîn, PS-Guadeloupe
Mîreîlle Jouve, RDSE-Bouches-du-Rhône
Françoîse Laborde, RDSE-Haute-Garonne
Marîe-Noelle Lîenemann, Çepgirên Komarparêz û Grûba Sosyalîst -Parîs
Monîque Lubîn, PS-Landes
Mîchelle Meunîer, PS-Loîre-Atlantîque
Marîe-Pîerre Monîer, PS-Drôme
Chrîstîne Prunaud, PCF-Côtes d’Armor
Sylvîe Robert, PS-îlle-et-Vîlaîne
Laurence Rossîgnol, PS-Oîse
Sophîe Taîllé Polîan, PS-Val-de-Marne
Sabîne Van Heghe, PS-Pas-de-Calaîs
Mîchèle Vullîen, UC- Rhône
Parlamenterên Meclisa Neteweyî:
Carolîne Fîat, Fransaya Sernetewîn (Fî)-Meurthe et Moselle
Clémentîne Autaîn, Fî-Seîne-Saînt-Denîs
Elsa Faucîllon, PCF-Hauts-de-Seîne
Marîe-George Buffet, PCF-Seîne-Saînt-Denîs
Mathîlde Panot, Fî-Val-de-Marne
Sabîne Rubîn, Fî-Seîne-Saînt-Denîs. PARÎS
