Endamên Meclisa Dayikên Aştiyê ku duh bi boneya 20’emîn salvegera Komploya Navneteweyî ya 15’e Sibatê ya li dijî Ocalan çalakiya ‘Nobeta Aştiyê’ dabû destpêkirin, çalakiya xwe bi dawî kir
Ji bo şermezarkirina 20’emîn salvegera Komploya Navneteweyî ya li dijî Rêberê Gelê Kurd Abdullah Ocalan, li gelek navendên bakurê Kurdistanê û Tirkiyeyê çalakî hatin lidarxistin û daxuyanî hatin dayîn. Bi heman boneyê, Meclisa Dayikên Aştiyê ya Stenbolê jî ji bo rojekê li avahiya xwe ya Unkapaniyê ‘Nobeta Aştiyê’ dabû destpêkirin.
Dayikên Aştiyê li avahiya çalakiyê pankarta ‘Em Komploya Navneteweyî ya 15’ê Sibatê şermezar dikin’ vekirin. Dayikan îro jî bi daxuyaniyekê çalakî bi dawî kir. Di daxuyaniyê de ji endamên Meclisa Dayikên Aştiyê Bedîa Gokgoz anî ziman ku ji bo şermezarkirina komployê çalakî li dar xistine û îro jî çalakiya xwe bi dawî dikin.
Di berdewamê de jî Gokgoz komploya navneteweyî şermezar kir û got ku heta dawiyê dê piştgiriyê bidin çalakiya greva birçîbûnê ya Leyla Guven, Nasir Yagiz û girtiyên din. Gokgoz got ku ji bo rakirina tecrîdê çi ji destê wan bê dê bikin. STENBOL
