Yekitiya Mamostayên Iraqê bi dirûşma; ‘Dengê xwe bilind bikin’ ji bo 2 rojan greva giştî ragihand
Yekitiya Mamostayên Iraqê îro ji bo zextê li hikûmeta Iraqê bikin li dibistanên erebî û tirkmenî greva giştî ragihand. Wê du rojan mamoste neçin li ser kar.
Mamostayên xwendina tirkmenî û erebî yên li Kerkûkê çalakiyek lidar xistin. Rêveberê Şaxê Yekîtiya Mamostayên Iraqê yê Kerkûkê Îhsan Cibûrî daxuyanî da û wiha got: “Weke zextekê ji bo ku hikûmet daxwazên me pêk bîne, 2 rojan em dest bi grevê û boykota dibistanan dikin. Wê li seranserî Iraqê grev û boykot pêk were. Wê ne tenê li Kerkûkê be. Em daxwaz dikin ku mûçeyên Wezareta Perwerdeyê û wezaretên din weke hev lê were. Em daxwaz dikin ku mamostayên bipeyman werin tayînkirin. Em dixwazin erd bidin mamostayan. Em daxwazê ji serokwezîr dikin ku rewşa jiyana mamostayan baş bike.” KERKÛK
