Li bajarê Idlib Sûriyeyê du teqînên mezin pêk hatin. Li gorî agahiyan, heta niha di teqînan de herî kêm 15 kesan jiyana xwe ji dest daye
Li ser cadeya El Qusr a li navenda bajarê Idlib Sûriyeyê ku gelemperiya wê di bin kontrola koma çete ya El Nusrayê (Heyet Tehrîr Şam) de ye, du teqînên mezin pêk hatin. Hat zanîn ku teqîn bi wesayîtên bombebarkirî pêk hatine.
Li gorî agahiyên ji çavkaniyên herêmê, di encama teqînan de herî kêm 15 kesan jiyana xwe ji dest da û bi kêmanî 30 kes jî birîndar bûne.
Çavkaniyan destnîşan kir dibe ku hejmara kuştî û birîndaran hîn zêdetir bibe. Heta niha tu rêxistinan ev teqîn li xwe negirtine. IDLIB
