Şervanên HSD’ê di çarçoveya qonaxa Şerê Tunekirina Terorê de li gundê Baxoz ê Hecînê gelek sivîl rizgar kirin. Çeteyên ku dixwazin xwe biparêzin, sivîlan weke mertalên zindî bi kar tînin
Çeteyên DAIŞ’ê yên li gundê Baxoz ê Hecîn a Dêrazorê li cihekî ji 700 metreyî asê mane, serî li rêbazên qirêj didin. Çeteyên ku di zanin şervan sivîlan hedef nagirin û ji bo parastina wan bi baldarî tevdigerin, sivîlan weke mertalên zindî bi kar tînin.
Tevî hemû lîstikên çeteyên DAIŞ’ê jî şervanên HSD’ê bi operasyonên taybet sivîlan rizgar dikin. Şervanan duh jî di nava rojê de bi operasyonên taybet bi dehan sivîl rizgar kirin. Gelemperiya van sivîlan jî jin û zarok bûn. Di nava sivîlên hatin rizgarkirin de jineke 25 salî ya bi navê Lîse Vaûdoûr û zarokeke wê jî hene.
Lîse Vaûdoûr bi rêya înternetê endamekî DAIŞ’ê nas dike. Piştre jî di ser Tirkiyeyê re derbasî Hamayê dibe û piştre jî bi çeteyekî re li Hamayê bi cih dibe. Piştî ku du salan li Hamayê ma, du salên xwe yên dawî jî li Dêrazorê derbas dike. Vaûdoûr dibêje ku ji ber hatiye rizgarkirin ew kêfxweş e. Vaûdoûr têkildarî hevjînê xwe yê çeteyê DAIŞ’ê jî bêdeng dimîne. DÊRAZOR
