Parêzerên Rêberê Gelê Kurd Abdullah Ocalan bi armanca bi muwekilê xwe Ocalan re li Îmraliyê hevdîtin bikin cara 792’yemîn serî li Serdozgeriya Komarê ya Bûrsayê dan
Rêberê Gelê Kurd Abdullah Ocalan 20 sal in bi tena serê xwe di yek hucreyê de tê girtin. Parêzerên Rêberê Gelê Kurd Abdullah Ocalan bi armanca biçin Îmraliyê û li Girtîgeha Ewlehiya Bilind a Tîpa F a Îmraliyê hevdîtin bikin careke din serlêdan kirin. Parêzerên Ocalan Îbrahîm Bîlmez, Serbay Koklu, Raziye Turgut û Mazlum Dînç bi armanca bi Ocalan re hevdîtinê bikin cara 792’yemîn serî li Serdozgeriya Komarê ya Bûrsayê dan.
Parêzerên Ocalan ji 27’ê Tîrmeha 2011’an ve serlêdan dikin lê serlêdanên parêzeran her tim bi hincetên “Muxalefeta hewayê heye”, “Koster xerabe ye,” “Koster di temîrê de ye” “OHAL heye” û “Xala 5275’an” a der barê tedbîrên ewlehiyê de tên redkirin. STENBOL
