Duyemîn Konferansa Ciwanan a Rojhilata Navîn ku li Kobanê tê lidarxistin, di roja duyemîn de berdewam dike
Bi tevlêbûna zêdetirî 300 delegeyên ji gelek dewletên Rojhilata Navîn ên ji hemû gelan, bi dirûşma ‘Bi pêşengiya ciwanan ber bi Rojhilata Navîn a pirreng û demokratîk ve’ duh li Navenda Çand û Hunerê ya Kobanê 2’yemîn Konferansa Ciwanên Rojhilata Navîn hatibû destpêkirin.
Îro jî ciwanên şoreşger ên girêdayî partiyên siyasî, rêxistin û tevgerên ji dewletên cuda yên Rojhilata Navîn, bi nîqaşên li ser beşa yekemîn ji bernameya ku ji aliyê ciwanan ve hatiye dayîn, dest bi roja duyemîn a konferansê kir.
Di beşa yekemîn a konferansê ya îro de dê aloziya Sûriyeyê, pirsgirêkên ku di bin bandora modernîteya kapîtalîst de; jin û zayendperestiya di nava civakê de, olperestî, tabû û neteweperestî bên nîqaşkirin.
Jin û civak hatin nîqaşkirin
Kesên beşdarî konferansê bûn têkildarî başkirina rewşa ciwanan, jin û civakê ya li Rojhilata Navîn nêrînên xwe anîn ziman. Beşdaran da zanîn ku çareserkirina doza jinan, alîkariyê dide avakirina civakeke demokratîk û azad. Her wiha hat destnîşankirin ku şoreşa îslamî jin ji zilm û zordariyê xilas kirin. Konferans bi nîqaşan didome. KOBANÊ
