Mamosta û nivîskarên başûrê Kurdistanê gotin ku nabe dengê xelkê bi çek û binçavkirinan were qutkirin. Mamoste û nivîskaran bertek nîşanî êrîşên dewleta tirk dan
Xelkê Şêladizê li Behdînanê rabûn ser pêyan û baregeha dewleta tirk ya li Şêladizê şewitandin. Piştî xwepêşandanê asayîşa PDK’ê dest bi binçavkirina welatî, rojnamevan û çalakvanên civaka sivîl kirin. Di encamê de zêdetirî 80 kes hatin binçavkirin. Ji wan 13 kes hê jî dibin çavan de ne û aqûbeta wan nediyar e. Li ser vê mijarê mamosta, nivîskar û endamê rêxistinên başûrê Kurdistanê ji RojNews re axivîn.
Nivîskar Bêkes Hemeqadir: Ez li dijî wê me ku azadiya kurdan bi destê kurdan were zeftkirin. Dewleta tirk rojane xaka herêma Kurdistanê bombebaran dike û komkujiyê pêktîne. Ji bo vê mafê xelkê ye ku bêjîn ‘Êdî Bese’. Nabe dengê kesên nerazî bi çek û binçavkirinan were bêdeng kirin.
Mamostayê zanîngehê Kawe Reza: Desthilat bi awayek cûda nêzîkê kesan dibe. Desthilat weke ku hemû tiştek bi yasayan bike nêzîk dibe û ti kes jî nabe fikrê xwe bîne ziman. Ger binçavkirina çalakvanan û xelkê medenî ji bo çavtirsandin û sucdar kirinê be, wê demê ev tê wateya wê ku rêz ji azadiya fikir re nayê girtin. Hêzên biyanî yên li herêma Kurdistanê nayên qebûl kirin û dagirkerî wêneyê wan dixe ber çavan. Ya herî karesat jî ewe ku hêzên biyanî di herêmê de bin û rojane xaka kurdistanê bombebaran bikin û welatiyan bikujine.
Endamê Rêxistina Perwerdeya Malbatê Zulfan Xerîb: Binpêkirinên ku li herêma Kurdistanê cihê nerazîbunê ye. Divê bi rêya perwerdeyê tak bê rewşenbîr kirin. Ger ev yek pêkwere wê takek tendirust derkeve holê û ji bo mafê xwe yê rewa dengê xwe derbixe. SILÊMANÎ
