Bi bernameyeke taştê li ser “Rêbera Rastnivîsînê” nîqaş hatin kirin. Her wiha dê ji bo danasînê jî dê berê êvarê resepsiyonek bê lidarxistin
Weqfa Mezopotamyayê ku komxebateke xwe ya çend salan a li ser zimanê kurdî, bi navê “Rêbera Rastnivîsînê” weşand, li Demîr Otelê ya li navçeya Sûrê ya Amedê bi nûnerên saziyên çapemeniya kurd re bernameyeke taştê li dar xist. Serokê Weqfê Osman Akyil û zimanzanên kurd ku di komxebatê de cih girtibûn Bahoz Baran û Samî Tan beşdarî bernameyê bûn.
Di bernameyê de destpêkê taştêya ku hatibû amadekirin hat xwarin û pişt re jî bi nûnerên saziyên çapameniyê re li ser “Rêbera Rastnivîsînê” nîqaş û pêşniyar hatin kirin.
Dê li heman otelê saet di 16.00’an de ji bo danasîna “Rêbera Rastnivîsînê” bi beşdariya gelek nûnerên saziyên kurd û zimanzanên kurd resepsiyonek bê lidarxistin. AMED
