Hepsîyê ke hemverê tecrîdê Îmraliyî de 72 rojî yo Zîndanê Tîpê Fyî yê Edîrne de grevê vêşanîye de gîrîyayî hucreyanê yewkesîyan. Hepsîyê ke înan rê vitamin nêdîyeno dest nîya serê radyoyanê înan.
Grevê vêşanîye yê ke seba wedaritişê tecrîdê serê rayberê PKKyî Abdullah Ocalanî hetê hemsereka Kongreya Komela Demokratîke (KCD) û parlamentera Partîya Demokratîke ya Şaran (HDP) ya Colemêrgî Leyla Guvene û hepsîyanê zîndanan ra ameybî destpêkerdene dewam kenê. Zîndanê tîpê Fyî yê Girewteyî yê Edîrne de Ramazan Çeper, Zerdeşt Oduncu û Adem Arslan 16ê Kanûne, Hakan Adiguzel, Dervîş Îsmaîl û Osman Şahîn zî 5ê Çele ra nata grevê vêşanîye de yê.
Ame zanayene ke nê kesî fînîyayê hucreyanê yewkesîyan û têkilîya înan embazanê înan ra ameya birnayene. Ancî, ame vatene ke vîtamînê B1 û B komploksî nêdîyenê înan. Her serê sibayî erzîyeno serê hucreyan, dest nîyeno serê kitab û nûşteyanê tepişteyan, seba ke rojdem teqîb nêkerê dest nîyayo serê radyoyanê înan zî. Kesê ke kewtîbî çalakîye rê qasê mengêk qedexeyê telefon de qiseykerdişî dîyabi, ame zanayene nika zî qedexeyê keyeyê xo pêvînayîşî dîyayo înan ser. EDÎRNE
