Komeke ji ciwanên kurd pêk dihat ji bo şermezarkirina bêdengiya CPT’yê ya li hemberî tecrîda li ser Ocalan, li ber avahiya CPT’yê çalakî li dar xist. Di çalakiyê de ciwanan dirûşma ‘Bijî Serok Apo’ berz kir
Komek ciwanên kurd bi armanca bêdengiya CPT ya li dijî tecrîdkirina Rêberê PKK’ê Abdullah Ocalan şermezar bikin li ber avahiya CPT ya Strasbourgê çalakî pêk anîn.
Çalakiyên ji bo rakirina tecrîda girankirî ya li ser Rêberê Gelê Kurd Abdullah Ocalan berdewam dikin. Di vê çarçoveyê de komeke ciwanên kurd bi dirûşmên ‘Em tecridê bişikînin, faşîzmê hilweşînin û Kurdistanê Azad bikin’ û ‘Biji Serok Apo’ li ber avahiya Komîteya Pêşîlêgirtina Îşkenceyê (CPT) çalakî pêk anîn.
Di çalakiyê de ciwanan ji rayedarên CPT’yê xwestin ku li dijî tecrîda girankirî ya li ser Rêberê Gelê Kurd helwestekî nîşan bidin. Ciwanan helwesta bêdengiyê ya CPT’yê şermezar kirin.
Her wiha koma ciwanên kurd bi rûpoş bûn, pankart vekirin û wêneyên Ocalan rakirin. Ciwanan di çalakiyê de dirûşma ‘Bijî Serok Apo’ berz kir. Pişti demeke polîsên bi rûpoş hatin cihê bûyerê û mudaxaleyî çalakiyê kir. STRASBOÛRG
