Şervanên HSD’ê li gundê Bazoz ê Hecîn ê Dêrazorê zêdetirî 2 hezar sivîlên din ji çeteyên DAIŞ’ê rizgar kirin
Qonaxa Şerê Tunekirina Terorê ya ku şervanên Hêzên Sûriyeya Demokratîk (HSD) di çarçoveya Pêngava Bagera Cizîrê de ji bo rizgarkirina navçeya Hecînê û gundewarên wê dabû destpêkirin, didome. Komên çete yên ku li gundê Baxozê li qadekî teng asê mane, bi hezaran sivîlan weke mertalên zindî bikartînin.
Şervanên HSD’ê ji bo ku zirar negihije sivîlan, operasyonên taybet pêk tînin. Di vê çarçoveyê de şervanan duh êvarê nêzî 2 hezar sivîl û malbatên çeteyan ji Baxozê anîn herêmên bi ewle. Her wiha hat ragihandin ku gelek çeteyên DAIŞ’ê jî teslîmî HSD’ê bûne.
Sivîlên ku hatine rizgarkirin, ji hêla şervanan ve veguhestin kampên bakur û rojhilatê Sûriyeyê. Operasyonên rizgarkirina sivîlan ên li herêmê berdewam dikin. DÊRAZOR
