Keyeyê Rayberê Şarê Kurdî Abdullah Ocalanî û keyeyanê hîrê tepişteyanê bînan ê ke Îmrali de yê seba pêvînayîşî muracatê Serdozgerîya Komare ya Bûrsa kerdî.
Birayê Rayberê Şarê Kurdî Abdullah Ocalanî Mehmet Ocalan û warisê ci Mazlûm Dînçî seba ke bieşkê şirê Îmrali bi rayîrê avûkatan muracatê Serdozgerîya Komare ya Bûrsayî kerdî. Keyeyê tepişteyanê Îmralî ê Hamîlî Yildirimî, Omer Hayrî Konarî û Veysel Aktaşî bi rayîrê avûkatan muracatê pêvînayîşî kerdî.
Muracat ame redkerdene
Heto bînî ra muracatê avûkatanê Rayberê Şarê Kurdî Abdullah Ocalanî Rêzan Sarica, Faîk Ozgur Erol, Newroz Uysal û Cengîz Yureklî yê pêvînayîşê muwekîlê înan ke Serdozgerîya Komare ya Bûrsa rê amebi kerdene, reya 794. ame redkerdene.
Avûkatê Ocalanî 27ê Temmuze ra nata nêeşkenê Abdullah Ocalanî reyde pêvînayîş bikerî. STENBOL
