HRE’yê bi daxuyaniyekê ragihand ku hêzên wan li gundê Kil Cibrîn ê Ezazê li dijî komên çeteyan çalakî pêk anîne. HRE’yê da zanîn ku di çalakiyê herî kêm 12 çete hatine kuştin
Çalakiyên Hêzên Rizgariya Efrînê (HRE) yên li dijî artêşa tirk û komên çete yên girêdayî wê berdewam in. Têkildarî çalakiyên dawî, HRE’yê daxuyaniyekê nivîskî weşand. HRE’yê da zanîn ku hêzên wan li dijî du bendên kontrolê yên li Ezazê çalakî pêk anîne.
Di daxuyaniya HRE’yê di daxuyaniyê de destnîşan kir ku çalakiyên hêzên wan ên li dijî leşker û çeteyên dewleta tirk ên li Efrîn û derdora wê berdewam dikin. HRE’yê daxuyand ku di 1’ê adarê de hêzên wan li derdora gundê Kil Cibrîn ê Ezazê 2 xalên leşkerî yên aîdê koma çete ya Firqet El Mutasimê çalakî pêk anîne.
Şervanan dest danîn ser çekan
HRE’yê da zanîn ku di navbera hêzên wan û komên çete de şer derketiye û di encama çalakiyê de 8 çete hatine kuştin. HRE’yê diyar kir ku hêzên wan dest danîn ser çekeke RPK, 2 çekên kalaşnîkofê (AK-47) û rextekê.
Koma çete hedef girtin
Daxuyanî wiha bi dawî bû: “Di heman demê de komeke çeteyên ku dixwestin xwe bigihînin cihê çalakiyê û kuştî û birîndarên xwe rakin, bûn hedefa hêzên me. Hêzên me ku li dijî wesayîta vê komê çalakiya sabotajê pêk anî. Di encama çalakiyê de 4 çete hatin kuştin û 3 çete jî birîndar bûn.” EZAZ
