Rewşa Nasir Yagizo ke 103 rojî yo Hewlêr de grevê vêşanîye de yo her ke şina xirabêr bena. Yagiz êdî nêeşkeno merdiman nas bikero.
Rewşa Nasir Yagizo ke 103 rojî yo vera tecrîdê serê Rayberê Şarê Kurdî Abdullah Ocalanî grevê vêşanîye de yo her ke şina xirabêr bena. Yagizo ke bi hewteyan o nêeşkeno bi sereyê cila xo ra bivejîyo, baş nêvîneno û nêheşneno zî. Yagiz her çiqas rew heşar bibo zî heta demê şanî nêeşkeno zereyê cile de xo bilewno. Ê yê ke leyê Yagizî de manenê, vanê, Yagiz kesê ke yenê serdana ey nêeşkeno nas bikero.
Rewşa Fadile Toke
Rewşa Fadîle Tok a ke 43 rojî yo grevê vêşanîye de ya giran bena. Toke bitaybetî persa tansîyonî ciwîyena û morelê ci baş o û vana heta ke tecrîd nêwedarîyo a do çalakîya xo rê dewam bikera. Hetê bînî ra Hewlêr de grevê vêşanîye yê biagêrayîşî zî 103 rojî yo dewam keno û grevê vêşanîye roja 103. de gruba 53. dewr girewt.
Grevê vêşanîye vila benê
Grevê vêşanîye dimayê Hewlêr û Mexmûrî zaf herêman de vila bi. Kelar de muhendis Herêm Mehmûdî 24ê Sibate de dest bi grevê vêşanîye yê bêdem û bêagêrayîşî kerd. 25ê Sibate de resam Cuma Kerîmî, 26ê Sibate de Serdar Melîheyî dest bi grevê vêşanîye kerd. Grevê biagêrayîş û bêdem yê Silêmanîye zî kewt roja 80. Roja 79. de grube 40. dest bi grevê kerdibi. Grevê Silêmanîye bi rayberîya Komela Karkeranê Mezopotamyayî dewam keno. HEWLÊR
