HDP’ê namzetên xwe yên hevşaredariyên navçe û naveda Mûgla û 4 navçeyan Manîsayê paşve kişandin
Partiya Demokratîk a Gelan (HDP), bi nêzîkbûna hilbijartinên xwecihî yên 31’ê adarê ji bo bi dawî anîna desthilatiya AKP’ê taktîkên girîng pêş dixin. HDP’ê namzetên xwe yên hevşaredariyên navçe û navenda Mûgla û 4 navçeyên Manîsayê paşve kişandin.
Namzetên hevşaredariyên bajêr û navçeyan ên paşve hatin kişandin wihane: “Namzetên Hevşaredariyên Bajarê Mezin ên Mûgla Mehmet Polat û Dîlek Dobrûcali, Namzetê Hevşaredariya Navçeya Menteşe Adîl Çavaş, Namzetên Hevşaredariyên Navçeya Bodrûm Serap Kalkan û Gunay Şîrîn, Namzetê Hevşaredariya Navçeya Ortaca Saîp Kaya, Namzetên Hevşaredariyên Navçeya Dalaman Yakûp Basût û Emîne Yuksel, Namzetên Hevşaredariyên Navçeya Marmarîs Denîz Azûm û Riza Dogan, Namzetên Hevşaredariyên Navçeya Ula Yuksel Sari û Emîne Dayioglû, Namzetên Hevşaredariyên Navçeya Mîlas Sabîha Ataş û Huseyîn Bûlût, Namzetên Hevşaredariyên Navçeya Koycegiz Berna Koray û Yasîn Yargi.”
HDP’ê li navçeyên Alaşehîr, Soma, Salîhlî û Sarûhanli yên Manîsayê, namzetên xwe yên hevşaredariyê paşve kişandin.
Namzetê Hevşaredariya Mugla Mehmet Polat, armanca paşve xistina AKP-MHP’ê ye û wiha got: “Ji ber vê yekê me namzetên xwe paşve kişandin. Em ê weke endamên meclisên şaredariyên di hilbijartinê de cih bigirin.” ÎZMÎR
