Li derdora gundê Baxozê nêzî du hezar çeteyên DAIŞ’ê xwe radestî şervanên HSD’ê kirin
Di qonaxa dawî ya operasyona Pêngava Bagera Cizîrê de Hêzên Sûriyeya Demokratîk (HSD) ji bo dawî anîna çeteyên DAIŞ’ê û rizgarkirina sivîlan operasyona xwe bi hesasî û baldarî didomîn e. Çeteyên DAIŞ’ê yên ku ji aliyê şervanên HSD’ê ve hatine dorpêçkirin û derbên giran dixwun kom bi kom xwe radestî HSD’ê dikin. Li gorî agahiyên ji eniya şer, îro serê sibê nêzî du hezar çeteyên DAIŞ’ê xwe radestî şervanên HSD’ê kirin. Çeteyên ku teslîm bûne bi 10 kamyonan ji herêmê hatin veguhestin.
Hêzên HSD’ê duh ragihandin ku ji bo tehliyekirina sivîl, çete û malbatên çeteyan yên li eniya bakurê Baxozê navber dabû operasyonê.
Îro serê sibê bi hezaran sivîl û malbatên çeteyan ji gundê Baxozê hatibûn derxistin. DÊRA ZOR
