Parêzerên Ocalan ji bo hevdîtina bi muwekîlê xwe re, serî li Serdozgeriya Komarê ya Bursayê dan. Lê serlêdana parêzeran hate redkirin
Ji parêzerên Rêberê Gelê Kurd Abdullah Ocalan, Raziye Turgut, Serbay Koklu, Îbrahîm Bîlmez û Mazlum Dînç ji bo hevdîtina bi miwekîlên xwe re duh serî li Serdozgeriya Komarê ya Bursayê dabûn. Lê serdozgeriyê serlêdana parezeran cara 795’emîn red kir.
Serdozgeriya Komarê ya Bûrsayê ji 27’ê tîrmeha sala 2011’an heta niha hevdîtina Ocalan a bi parêzerên wî re red dike. Serdozgerî her tim bi hincetên sosret ên weke ‘rewşa hewayî nebaşe’, ‘Koster xerabe ye’, ‘Koster di tamîrê de ye’, ‘OHAL heye’ û ‘Xala 5275’an a Tedbîrên ewlehiyê û ceza’ serlêdanên parêzeran red dikin.
Hêjayî bibîrxistinê ye ku ji bo rakirina tecrîda li ser Ocalan, bi pêşengiya hevseroka Kongreya Civaka Demokratîk (KCD) û parlamentera HDP’ê ya Colemêrgê Leyla Guven çalakiyên grevên birçîbûnê yên bêdem û bêdorveger hatine detspêkirin. Bi sedan kes niha di grevê de ne û tevî Guven, rewşa gelek çalakvanan jî di astekî krîtîk de ye. STENBOL
