Serdozgerîya Komare ya Bûrsa reya 795. muracatê pêvînayîşî yê avûkatanê Rayberê Şarê Kurdî Abdullah Ocalanî red kerde.
Avûkatanê Rayberê Şarê Kurdî Abdullah Ocalanî Razîye Turgute, Serbay Koklu, Îbrahîm Bîlmez û Mazlûm Dînçî semedê pêvînayîşê muvekîlê xo reya 795. muracatê Serdozgerîya Komare ya Bûrsa kerdbî. Labelê Serdozgerîya Komare ya Bûrsa reya 795. muracatê pêvînayîşî yê avûkatanê Rayberê Şarê Kurdî Abdullah Ocalanî red kerde.
Muracatê avûkatan 27ê Temmuze 2011î ra nata bi behaneyanê sey ‘muxalefetê hewayî‘, ‘xirabîyayîşê kosterî’, ‘koster tamîr de ya’ û ‘OHAL’ ameyî redkerdene. STENBOL
