Hêzên HSD’ê duh bi şev bi operasyoneke taybet li herêma Baxozê 3 şervanên xwe ji destê çeteyên DAIŞ’ê rizgar kir
Hêzên Sûriyeya Demokratîk (HSD), li gundê Baxozê ji aliyekî ve sivîlan û çeteyên teslîmbûyî ji herêmê derdixînin û operasyonên xwe didomînin, li aliyê din jî bi operasyonên taybet şervanên xwe yên beriya niha dîl hatibûn girtin, rizgar dikin. Duh bi şev jî bi operasyoneke taybet 3 şervanên HSD’ê ji destê çeteyên DAIŞ’ê hatin rizgarkirin.
Şervanê HSD’ê Ehmed Husên û 2 hevalên wî yên hatin rizgarkirin ji ANF’ê re axivîn û qala rewşa xwe kirin. Ehmed Husên diyar kir ku DAIŞ’ê ew xistibûn hundirê makîneyekê û hêzên HSD’ê yên bi vê zanîbûn di dema operasyonê de bi baldarî tevdigeriyan û nehiştin ku zerar bigihêje wan.
Ji rewşa her sê şervanên HSD’ê dihate dîtin ku gelekî tî û birçî hatine hiştin. Husên got ku hêviya wan tu carî qut nebû ku hevalên wan werin wan rizgar bikin. Husên bi dewamî wiha got: “Bi rastî jî êdî kêliyên dawî bû. Ji ber ku sê kes li cem me ji tî û birçîbûna mirin. Di dawiya dawiya dawî de hevalên me xwe gihandin me.”
Hêzên Sûriyeya Demokratîk (HSD) di operasyonên xwe de ji bo şervanên xwe û sivîlan bi baldarî tevdigerin. Di nava sê rojên dawî de zêdeyî 6 hezar çeteyên DAIŞ’ê yên teslîm bûn û malbatên wan ji herêmê hatine derxistin. DÊRAZOR
