Îfadeyê 5 HDPyijê ke 3ê Adare de awanîya HDPyî ya bajarî de dest bi çalakîya grevê vêşanîye yê bêdem û anêgêrayîşî kerdî û ameybî tepiştene yeno girewtene
Parlamentera Partîya Demokratîke ya Şaran (HDP) ya Amedî Dersim Dag û 5 endamê HDPyî Salîh Cansever, Îsmet Yildiz, Sevîcan Yaşar, Salîh Tekîn û Bîlal Ozgezerî ke seba wedarnayîşê tecrîdê serê Rayberê PKKyî Abdullah Ocalanî 3ê Adare de awanîya HDPyî ya bajarî de dest bi çalakîya grevê vêşanîye yê bêdem û anêgêrayîşî kerdî. Roja ke çalakî dest pêkerde, bi fermanê Wezîrê Karê Zerre Suleyan Soyluyî polîsan eştbî awanîya HDPyî ser û bi derban 5 çalakgeran tepiştibî.
Serdozgerîya Komarî ya Amedî derheqê endamanê HDPyî de qerar dabî ke do 4 rojan binê çiman bimanî. Ewro tehqîqato ke derheqê 5 kesan de ameybî akerdiş dest pêkerd û îfadeyê 5 kesê ke 4 rojî yo Mudirîya Polîsan ya Amedî de ameybî tepişteyî yeno girewtene. 5 HDPyijî bi îdîaya ‘Propagandaya rêxistine kerdî’ ra yenî sucdarkerdiş û yeno pawitene ke saetanê averde sewqê mehkema bêrî kerdiş. AMED
