Li gorî daneyên fermî li gorî sala 2017’an di sala 2018’an de rêjeya bi karanîna madeyên hişber li Herêma Federal a Kurdistanê gelek zêdetir bûye
Li gorî daneyên fermî yên Rêveberiya Giştî ya Nehiştina Medeyên Hişber li Herêma Federal a Kurdistanê, di sala 2018’an de 415 kg madeyên hişber hatine desteserkirin. Her wiha 941 kes jî bi tohmeta bikaranîn û bazirganî bi madeyên hişber hatine binçavkirin. Di sala 2017’an de 569 kes bi vê tawanbariyê hatibûn girtin.
Pisporê madeyên hişber û Derûnas li Nexweşxaneya Deronî ya Hewlêr Sedîq Mihemed Heme Şerîf, têkildarî mijarê ji Rojnews’ê re axivî û wiha got: “Li gorî lêkolînên ku li ser madeyên hişber hatin kirin, rêjeyek berbiçav ya kesên ku hem bi kar tînin hem jî bazirganiyê dikin hene. Piraniya van kesan jî ciwan in. Temenê wan jî di navbera 14 ta 25 salî de ne. Em di wê baweriyê de ne ger pêşî lê neyê girtin, wê ev yek êdî wekî tiştek ji rêzê lê were.”
Sedîq Mihemed diyar kir ku ji bo rê li pêşiya vê metirsiyê were girtin divê hikûmet pêşî li bi kar anîna hişberiyê bigire. HEWLÊR
