Li Cizîrê rêveberên HDP’ê û DBP’ê jî di nav de herî kêm 9 kes hatin binçavkirin
Li Navçeya Cizîrê ya Şirnexê polîsan serê sibê bi ser gelek malan de girt. Di serdegirtina malan de amûrên malan hatin serûbinkirin. Piştî lêgerîna li malan rêveberên DBP’ê Faysal Kolanç û Emîn Kar, rêveberên berê yên HDP Agît Malgaz, Suleyman Çagdavul, Mehmet Şerîfoglu, Mehmet Bakî Îgdî, Haci Halef, Vetha Kolanç û Abdurrahman Çakir hatin binçavkirin. Hinceta binçavkirinê nehat zanîn û kesên ku hatin binçavkirin birin Miduriyeta Polîsan a Cizîrê. Hat zanîn ku dibe hejmara binçavkiriyan zêde bibe. ŞIRNEX
