Malbata Ocalan û girtiyên din ên li Îmraliyê tên girtin, ji bo hevdîtina bi xizmên xwe re serî li Serdozgeriya Komarê ya Bûrsayê dan. Lê daxwaza malbatan hate redkirin
Malbata Rêberê Gelê Kurd Abdullah Ocalan û her sê girtiyên din ên ku li Girtîgeha Tîpa F ya Îmraliyê tên girtin, ji bo hevdîtinê bi xizmên xwe re serî li Serdozgeriya Komarê ya Bûrsayê dabûn.
Birayê Abdullah Ocalan, Mehmet Ocalan û parêzerê wî Mazlûm Dînç ji bo hevdîtina bi Ocalan re, bi rêya parêzerên xwe serî li Serdozgeriya Komarê ya Bûrsayê dabûn. Serdozgeriyê serlêdana wan red kir. Di heman demê de birayê Hamîlî Yildirim, Polat Yildirim, birayê Omer Hayrî Konar ê bi navê Alî Konar û xwişka Veysel Aktaş a bi navê Sabîha jî ji bo hevdîtina bi xizmên xwe re serî li Serdozgeriya Komarê ya Bûrsayê dabûn. Lê serdozgeriyê serlêdana wan jî qebûl nekir.
Grevên birçîbûnê
Hêjayî bibîrxistinê ye ku ji bo rakirina tecrîda girankirî ya li Îmraliyê, li girtîgehên bakurê Kurdistanê û Tirkiyeyê, li her çar parçeyên Kurdistanê û derveyî welat bi hezaran kes di greva birçîbûnê ya bêdem û bêdorveger de ne. Çalakî her ku diçe berfirehtir dibe û tevî hevseroka KCD’ê Leyla Guven, rewşa gelek çalakvanan jî di astekî krîtîk de ye. STENBOL
