Li Girtîgeha Tîpa E ya Amasya Kadir Kaplan ê 27 sal girtiye û di greva birçîbûnê de ye, avêtin hucreya yek kesî
Li Girtîgeha Tîpa E ya Amasya Kadir Kaplan ê 27 sal girtiye û ev 12 rojin di greva birçîbûnê deye, avêtin hucreya yek kesî. Kaplan ê 27 salin girtiye, bi nameyekê serê li Şaxa Komeleya Mafê Mirovan (ÎHD) Wanê da.
Kaplan, bi nameyekê rewş vegot û ev tişt ragihand: “Bi armanca tecrîda li ser Rêberê Gelê Kurd Abdullah Ocalan rabe û piştevaniyê bidin Parlementera Colemêrgê birêz Leyla Guven, min di 1’ê Adarê de dest bi greva birçîbûnê kir. Ji ber ku ketin greva birçîbûnê ez kirim hucreya yek kesî. Hevdîtinên min ên telefonê yên heftane qedexwe kirin. Bi awayekê keyfî tim nêzî min dibin. Ji ber ku min muayeneya bi kelepçeye qebûl nekir, ez nebirim nexweşxanê.”
Bavê Kaplan Mehmet Kaplan, derbarê rewşa kurê xwe fikarên xwe anîn ziman û wiha bilêv kir: “Kurê min ê di greva birçîbûnê deye, kirine hucreya yek kesî de. Rewşa tenduristiya kurê min ne başe. Ev kirînên dij hiqûqî û mirovîne. Berê jî rayedarên girtîgehê, di gotin ‘Em dewletin, tişta em bixwazin em ê bikin. Hûn dikarin biçin her derî gilî bikin.’ Ligel ku me ev yek ji Wezareta Dadê re ragihand jî tu tişt nehat guhertin. Derbarê rewşa tenduristiya kurê min de, fikarin min hene.” WAN
