Di serdana serokkomarê Îranê Hesen Rohanî ya li Iraqê de di navbera herdu welatan de çend peyman hatin îmzekirin. Her wiha herdu welatan li hev kir ku ji meha nîsanê û pê de vîzeya di navbera herdu welatan de bibe bêpere
Serokkomarê Îranê Hesen Ronahî duh gihîşte Bexdayê û li wir li gel serokkomar û serwezîrên Iraqê hevdîtin kir.
Di civîna çapemeniyê ya hevbeş a serokkomarê Îranê Hesen Rohanî û serokwezîrê Iraqê Adil Ebdulmehdî, Hesen Rohanî wiha got: “Me daxwaz ji Iraqê kir ku herdu welat bi temamî vîzeyê rabike, lê Iraqê ev yek qebûl nekir. Em gihiştin vê encamê ku vîze bibe belaş. Dê ev biryar di meha nîsanê de pêk were.”
Rohanî aşkera kir ku di hemû aliyan de hemahengiya wan a li gel Iraqê başe û wiha domand: “Bi taybet diwarê berhemhênan, bazirganî, pîşesazî, bazara hevbeş a li ser sînoran û peywendiyên giştî, her wiha karkirina di warê gaz, ceryan, enerjî, neft û pere, rê, xeta hesin, av û weke Rûbarê Elwend de.”
Li gorî daxuyaniyên hatine dyaîn, li ser hevkariya di navbera Wezaretên Pîşesazî û Bazarganî, Wezereta Çavkaniyên Av, projeya xeta hesin a Besra, hêsankirina hatinûçûna bazirganî, hevkariya di warê tendirustiyê de, hemahengiya neftê li hev kirine û li ser axivîne.
Her wiha biryare dane vîzeya di navbera herdu welatan de bibe belaşî. BEXDA
