Li Mozambîk û Malaviyê ji ber lehiyê herî kêm 100 kes mirin. Hat zanîn ku di lehiyê de herî kêm 6 hezar avahî xerab bûne
Li Mozambîk û Malaviyê lehî rabû. Têkildarî mijarê berdevkê hikûmeta Mozambîkê Ana Comoana axivî û diyar kir ku ji ber lehiyê herî kêm 66 welatiyan jiyana xwe ji dest daye. Comoana da zanîn ku dê niha jî bahoz rabe.
Berdevk Ana Comoana destnîşan kir ku di lehiyê de herî kêm 6 hezar mal hilweşiyane û 100 hezar erd jî di bin avê de maye. Buroya Koordînasyona Karên Mirovî ya Neteweya Yekbûyî jî daxuyand ku dê lehî bandorê li bajarê Berîayê jî bike. Li vê herêmê 1,6 milyon kes dijîn.
Di sala 2000’î de jî 800 kes û di sala 2015’an de jî 100 kes di encama rabûna lehiyê de jiyana xwe ji dest dabûn.
Li başûrê Malaviyê jî di lehiyên çend roj berê de 45 welatiyan jiyana xwe ji dest dabû û 700 welatî jî bêmal mabûn. Mozambîk û Malavî yên ku li Efrîqayê ne, du welatên xizanin. Di dema baranên zêde her du welat jî di bin avê de dimînin.
