Di şerê li dijî çeteyên DAIŞ’ê de bi seden polîs û leşkerên Iraqê firar kiribûn. Ev yek jî bû sedem ku hikûmeta Iraqê wan ji artêşê biavêje. Niha bi sedan polîs û leşker li Meydana Tehrîr a Bexdayê ji bo careke din vegerin nava artêşê 6 roj in di grevê de ne
Di şerê li dijî çeteyên DAIŞ’ê de nêzî 16 hezar polîs û leşkeran firar kirin. Piraniya wan ji parêzgeha Kerkûk û Nînewayê firar kirin. Hikûmeta Iraqê bi sûcdariya ‘firarkirina şer’ peymana wan hilweşand û ji artêşê dûrxistin. Li hemberî vê biryarê li Meydana Tehrîr a Bexdayê ev 6 roj in bi sedan polîs û leşker di grevê de ne û dixwazin careke din vegerin.
Kesên ku di çalakiyê de ne aşkera dikin ku heta daxwaza wan pêk neyê dê greva xwe berdewam bikin.
Ji bo biryardayîna li ser daxwazên wan û rêya çareseriyê Lijneya Asayîş û Parastinê ya li Parlamentoya Iraqê li gel Wezaretên Hundirin û Parastinê yên Iraqê kete tevgerê.
Heta niha jî greva leşker û polîsan didome û hîn tu bersiva daxwaza wan nehatiye dayîn. BEXDA
