Ev wêneyê hanê teqrîben sala 1875´an hatiye girtin. Jina di wêne de weke “a Kurdish lady from Sivas (xanimeke kurd ji Sêwazê)” hatiye binavkirin
Wênegir Pascal Sêbah e û bi qasî em ji notên li ser wêneyê fêm dikin, ev cilûbergên li ber jina Sêwazî ji bo rojên cejn, dawet û roşanan in. Ew jin ne yeke ji gundan e, lê ji bajêr e. Ji ber wê jî ev cilûbergên hanê yên ji rêûresmê, ji rêûresma jinên kurd ên bajêr ên Sêwazê divê bê hesibandin.
Pascal Sêbah bi xwe weke yek ji wênegirên herî pêşî û serketî li Împeratoriya Osmanî tê qebûlkirin. Ew ji malbateke ereb a Xirîstiyan a Lavantayê (Lubnan û hawîrdora wê) ye û di salên 1870´yê de wî gelek wêne li bajarên Kurdistanê yên weke Amed û Sêwazê jî girtine. Lê wî wêneyên kurdên li Stenbol û bajarên din ên mezin ên Împeratoriya Osmaniyan jî girtine. AMED
