Li Girtîgeha Tîpa T a Şirnexê 3 jinên girtî dest bi greva birçîbûnê kirin. Girtiyên jin ên ku bi rêya parêzerên xwe peyam şandin diyar kirin ku heta daxwazên wan bên qebûlkirin dê çalakiya greva birçîbûnê bidomînin
Çalakiyên greva birçîbûnê ya bêdem û bêdorveger ku bi pêşengiya hevseroka KCD’ê Leyla Guven re bi daxwaza rakirina tecrîda li ser Rêberê Gelê Kurd Abdullah Ocalan hatine destpêkirin berbelav dibe.
Li Girtîgeha Tîpa T a Şirnexê 3 jinên girtî jî dest bi greva birçîbûnê kirin. Girtiyên jin ên ku bi rêya parêzerên xwe peyam şandin diyar kirin ku heta daxwazên wan bên qebûlkirin dê çalakiya greva birçîbûnê bidomînin.
Navê sê jinên girtî ku duh dest bi grevê kirin wiha ne: “Zeynep Mete, Rojda Topçu û Fatma Çetînkaya.’
Ji 15’ê çileyê heta niha Hakan Kutluk, Osman Beytur, Agît Bîlîk, Salîh Kutluk, Hakan Petekaya û Onder Poyraz li Girtîgeha Tîpa T ya Şirnexê di greva birçîbûnê de ne. Ji 1’ê adarê heta niha hejmar girtiyên di greva birçîbûnê de derketin 17 kesan.
Hat hînbûn ku girtiyên di greva birçîbûnê de di nava şerdên zor de çalakiya xwe didomînin û her ku diçe tansiyonê girtiyan ne baş dibe. ŞIRNEX
