Li Parîsê pêşangaha wêneyan a şoreşa jinên Rojava vedibêje, hat vekirin
Şaredariya Parîsê Montreuîl û Mala Jinê, pêşangeheke bi mijara jinên kurd vekirin.
Di pêşangehê ku şaredariya Parîsê û Mala Jinan bi alîkariya TJK-F’yê vekirin de wêneyên ku jinên kurd û têkoşîna jinên kurd vedibêje hatin nîşandan. Di pêşangeh a ku li Mala Jinê ya Montreûîlê pêk hat de Alîkara Şaredariya Montreuîlê, Nûnera Mala Jinan a Montreuîlê, Encûmena Partiya Franca Însoumîseyê, ji TJK-F’yê gelek femînîst û mêvan hazir bûn.
Alîkara Şaredariya Montreuîlê Menhoudî, Nûnera Mala Jinê û Encûmena Franca Însoumîseyê di axaftina xwe de ragihandin ku ew greva birçîbûnê ya bêdem û bêdorveger ji nêz ve dişopînin û diyar kirin ku ew ji rewşa tenduristiya Leyla Guven û berxwedêrên greva birçîbûnê bi fikar in. Jinan anîn ziman ku ew tev li wan çalakiyên ji bo darizandina kujerên 3 jinên kurd ên siyasetmedar dibin ku li Parîsê hatibûn qetilkirin.
Di pêşengehê de mijara jinên şoreşa Rojava, jineolojî û xebatên jinên kurd ku pergala ekolojiyê danîne ber xwe, hate axaftin.
Dê bi panelê bidome
Her wiha bernameyên Şaredariya Montreuîlê û Mala Jinan a Montreûîlê ku dê bi panêlan bidome, 29’ê adarê TJK-F jî bi rengê axaftvan li panêlê hazir be, belgefîlmek li ser şoreşa Rojava were nîşandan. Dê li panêlê rêxistinên cuda yên jinan jî hazir bin. PARÎS
