Li Cizîrê, ji niha ve jin ji bo Newrozê amadekariyên xwe yên kincên gelêrî dikin. Terzî Kûrdê Aşkin, diyar kir ku herî zêde kincên spî yên rengîn tên tercîhkirin
Li Cizîra Şirnexê, her sal Newroz bi beşdarbûna bi deh hezaran tê pîrozkirin. Ji bo Newroza îsal ji niha ve amadekarî dest pê kirine. Jin û zarok ji bo Newrozê kincên gelêrî ji xwe re didin dirûtin û bi heyecan li benda Newrozê ne.
Terzî Kurdê Aşkin ku li Taxa Cûdiyê kincên gelêrî didirû, diyar kir ku ji niha ve gelek kes kincan didin dirûtin. Aşkin bilêv kir ku ji xeynî kiras û fîstanan herî zêde kincên gelêrî yên spî ku ji wan re Batuyanî tê gotin tên tercîhkirin û wiha got: “Biçûk ji mezinan bêtir tên kincan didin dirûtin. Bi piranî batûyanî tê tercîhkirin.”
Aşkin anî ziman ku heyecana îsal a ji bo Newrozê ji ya salên berê cudatir e û ggot: “Piştî qedeya derketina derve, dilê her kesî êşiya. Loma coşa Newroza îsal cuda ye. Her wiha ji ber hilbijartin jî heye, amadekariyên îsal pir cuda ne.”
Aşkin bilêv kir ku Newroz ji bo gelê kud pir girîng e û wiha got: “Ji niha ve Newroza her kesî pîroz be. Em ji xwe bawer in, em ji Botanê bawer in. Em her tim reqorê dişkînin. Hêvîdar im, wê ev Newroz bibe Newroza aştiyê û mazlûm bi ser bikevin.” ŞIRNEX
