Bajarê Bremenî yê Almanya de hetê Komelê Îslamî yê Kurdistanî (CÎK) ra derheqê weçînitişê 31ê Adare de panelêk ame viraştene. Namzedê hemşaredarîye yê Çewlîgî Hişyar Ozsoy tewrê panelî bi.
Bajarê Bremenî yê Almanya de Komelê Îslamî yê Kurdistanî (CÎK) panelêk organîze kerd. Panelo ke namzedê hemşaredarîye yê Çewlîgî Hişyar Ozsoyî derheqê weçînitişî de qisey kerd, Hambûrg, Hannover, Bremen û bajaranê derdorî ra xeylî kesî tewrê ci bîyî. Panel de sere de bi wesîleya serrgêra Qirkerdişê Halebçe deqayêk rez ame girewtene bado zî Mele Eşrefî qiseykerdişê akerdişî kerd û bale ante xoverdayîşê grevê vêşanîye ser.
Bado zî parlamenterê HDPyî yê Amedî û namzedê hemşaredarîye yê Çewlîgî Hişyar Ozsoyî qisey kerd. Ozsoyî polîtîkaya hêrişkare ya îtîfaqê AKP-MHPyî vist vîrî û va: “Seke înan bi qerarekê xeletî waşt ke bi şerî meseleya Kurdî çareser bikerî, hetê sîyasetî ra vîndî kenê. HDP do nê weçînitîşî ra bi serkewtişî vejîyo. Şar hukmatî ra aciz bîyo. Projeyê ma yê girdî semedê şarê Çewlîgî estî, ma do nê hemeyan bîyarê ca.”
Panelî dima ra bi pers û ceweban dewam kerd. BREMEN
