Hemserekîya Konseyê Rayîrber yê KCKyî derheqê Zulkuf Gezeno ke zîndanê Tekîrdagî de hemverê tecrîdê serê Rayberê Şarê Kurdî Abdullah Ocalanî de çalakîya fedaîye viraşte eşkerayîyêka nûştekîye daye. KCK: “Ma veng danê şarê xo ke şehîdê zîndanî yê hemleya ‘Ma tecrîdî bişiknê, faşîzmî birijnê û Kurdistanî azad bikerê’ yo ewilên Zulkuf Gezenî rê wayîr vejîyê, biherikîyê meydananê Newrozan, xoverdayîşî pîl bikerê û bi hawayêko heybetin ci oxir bikerê.”
Hemserekîya Konseyê Rayîrber yê KCKyî derheqê Zulkuf Gezenî ke seba şermizarkerdişê tecrîdê serê Rayberê PKKyî Abdullah Ocalanî Zindanê Tîpa Fyî yê Tekîrdagî de şewa 16ê Adare de çalakîya fedayî pê ard, eşkerarîyêko nuştekî da û seba wayîrvejîyayîş û girdkerdişê xoverdayîşî veng kerd.
Eşkerayîya KCKyî de wina ame vatene:
“Ewlado ercaye yê şarê Kurdî, şorişgêro pîl û hemrayê ma Zulkuf Gezenî zîndanê Tekîrdagî de bi çalakîyêka fedaîye resayo şehadet. Hemrayê Zulkuf Gezen bi na çalakîya xo bîyo nameyêko sembol ê xoverdayîşê 14’ê Temmuze û Newroze. Ma hemrayê xo Zulkuf Gezenî bi hurmet bi vîr anê, bicaardişê sozê ‘Rayberîya azade, Kurdistano azad û Tirkîyaya demokratîke danê. Ma veng danê şarê xo ke şehîdê zîndanî yo ewilên ê hemleya ‘Ma tecrîdî bişiknê, faşîzmî birijnê û Kurdistanî azad bikerê’ Zulkuf Gezenî rê wayîr vejîyê, biherikîyê meydananê Newrozan, xoverdayîşî pîl bikerê û bi hawayêkê tewr biîhtîşamî ê oxir bikerê.
Hemleya xoverdayîşî ya ‘Ma tecrîdî bişiknê, faşîzmî birijnê û Kurdistanî azad bikerê’ ke bi serkêşîya Leyla Guvene û Nasir Yagizî dest pêkerde û bi tewrbîyayîşê bi seyan û hezaran xoverdayoxanê zîndanî, şarê ma yê zere û teberê welatî bîye pîle û rayapêroyîye ya dinya ser o tesîr kerde bi çalakîya fedaîye ya Zulkuf Gezenî kewta merheleyêka newî. Ganî şarê ma xeta xoverdayîşî ya fedaîye ya hemrayê Zulkuf Gezenî de hemverê îqtîdarê faşîst û qirkerdoxî yê AKP-MHPyî de vejîyê meydanan û xoverdayîşî biresnê serkewtişî.
Îqtîdaro faşîst ê AKP-MHPyî bi sîstemê xo yê tecrîd-îşkence yê mutleqî ke Îmrali de awan kerdo wazeno ke polîtîkayanê qirkerdoxan ê ke seserrî yo hemverê Kurdan de yenê bicaardene biresno serkewtişî. Netîceyê xoverdayîşê mucadeleyê çewres serrî ra vêşêr ê PKKyî sîstemê netewe dewlete yê faşîst ê Tirkî yo 96 serre bin kewto. Îqtîdarê AKP-MHP yo faşîst û qirkerdox şexsê Rayber Apoyî de wazeno ke Kurdan binê tecrîd û sîstemê qirkerdişêkê mutleqî de bigîro û bi nê hawayî sîstemê qirkerdoxî newe ra awan bikero. Bi serkêşîya şorişgêro pîl Zulkuf Gezenî, bi ruhê 14’ê Temmuze û Newroze xoverdayîşo ke beno berz do tecrîdî bişikno, rejimê AKP-MHP yê faşîstî birijno û şaran azad bikero.
Nê bingeyî de ma veng danê şarê xo, cimatê Tirkîya, cinîyan, ciwanan, hêzanê çepgêran, hêzanê sosyalîst û demokratîkan ke seba merdimîye û Tirkîyayêka demokratîk û azade mucadeleyê Zulkuf Gezenî rê wayîr vejîyê û xoverdayîşî biresnê serkewtişî.” BEHDÎNAN
