Operasyona şervanên HSD’ê ya li Baxozê li dijî çeteyên DAIŞ’ê daye destpêkirin didome. Şervanan çend noqteyên din jî rizgar kirin û dorpêça li ser çeteyan bêhtir şidand
Şer û pevçûnên di navbera şervanên Hêzên Sûriyeya Demokratîk (HSD) û çeteyên DAIŞ’ê yên li gundê Baxoz ê Hecîn a Dêrazorê bi hemû dijwariya xwe berdewam in. Şervanên HSD’ê li dijî komên çete yên ku di qadekî pir biçûk de asê mane, operasyonên taybet pêk tînin.
Li gorî agahiyên ji Baxozê, di navbera şervanên HSD’ê û çeteyên DAIŞ’ê de şerekî giran rû dide. Çavkaniyên ji herêmê ragihand ku di şer de çekên giran jî tên bikaranîn û şervanên HSD’ê li gelek aliyan de pêşde diçin.
Çavkaniyan daxuyand ku şervanên HSD’ê çend noqteyên din jî ji çeteyên DAIŞ’ê rizgar kirin û dorpêça li ser çeteyan hîn bêhtir şidand. Şer û pevçûn bi hemû dijwariya xwe didomin. DÊRAZOR
