Welatiyên Amedê tevî hemû astengiyan jî qurnefîl danîn ser gora Zulkuf Gezen ê cenazeyê wî ji aliyê dewletê ve hate revandin û definkirin
Girtiyê siyasî Zulkuf Gezen ê 33 salî, ji bo şikandina tecrîda girankirî ya li ser Rêberê Gelê Kurd Abdullah Ocalan li Girtîgeha Hejmar 2 ya Tîpa F ya Tekîrdagê çalakiya fedayî li dar xist û jiyana xwe ji dest da. Cenazeyê Gezen şevê din ji hêla polîsan ve hate revandin û bi awayekî korsanî li Goristana Yenîşehîr a Amedê hate veşartin.
Ji bo ku tu kes nekare tev li merasîmê bibe û biçe serdana gora Gezen, polîsên dewleta tirk ji şevê din heta niha Gorstana Yenîkoyê dorpêç kiriye. Îro jî tevî hevserokê HDP’ê Sezayî Temellî, gelek parlamenter û bi sedan welatiyan xwest ku biçin ser gora Gezen. Lê polîsan êrîşî girseyê kir.
Lê zext, êrîş û zordariya polîsan nekarî pêşî li gel bigire û gel derbasî goristanê bû. Welatiyên ku gora Gezen ziyaret kirin, qurnefîl danîn ser gora wî û dia kirin. AMED
