Bavê Zulkuf Gezen ku ji bo rakirina tecrîda li ser Ocalan çalakiya fedaî pêk anî, Şehmuz Gezen da zanîn ku kurê wî ji bo azadiya gelê kurd dawî li jiyana xwe aniye. Bav Gezen got ku divê kurd xwedî li çalakiya kurê wî derkeve û biherikin qadên Newrozê
Girtiyê siyasî Zulkuf Gezen li Girtîgeha Jimar 2 ya Tîpa F ya Tekîrdagê ji bo şikandina tecrîda girankirî ya li ser Rêberê Gelê Kurd Abdullah Ocalan çalakiya fedaî pêk anî û jiyana xwe ji dest da. Bavê Gezen, Şehmus Gezen bi boneya Cejna Neteweyî ya Gelê Kurd Newrozê axivî û diyar kir ku divê gelê kurd xwedî li çalakiya kurê wî derkevin û beşdarî Newrozê bibin.
Bav Şehmus Gezen anî ziman ku kurê wî ji bo bidawîkirina tecrîda li ser Ocalan dawî li jiyana xwe anî û ji bo Newrozê jî ev bang kir: “Di serî de gelê kurd, divê hemû beşên civakê tev li Newrozê bibin. Zulkuf ji bo azadiya vî gelî dawî li jiyana xwe anî. Divê gelê kurd jî xwedî li vê çalakiyê derkeve.”
Gezen destnîşan kir ku divê sala 2019’an bibe sala azadiya gelê kurd û wiha dawî li axaftina xwe anî: “Em jî dê li Qada Newrozê ya Amedê bin û agirê Newrozê pêbixin.” AMED
