KCD bi wesîleya Roşanê Newroze mesajêk weşêna û Nêwroza heme şarê kurd û Rojhelato Mîyanenî pîroz kerd
Kongreya Komela Demokratîke (KCD) bi wesîleya 21ê Adare Roşanê Newroze mesajêk weşêna û Nêwroza heme şarê kurd û Rojhelato Mîyanenî pîroz kerd. KCD da zanayene ke Newroze sey herr serrî serra 2019î de zî prosesêko zilm û barbarî tede zêdeyo de yena pîrozkerdene. KCD da zanayene ke proseso ke Rayberê Şarê Kurdî Abdullah Ocalanî yeno tecrîdkerdene, bi hezaran kesî grevê vêşanîye de yî û xoverdayîşî çalakîyê grevê vêşanîye de Newroze yena pîrozkerdene.
KCD dîyar kerd k eheme hêzê mîyanneteweyî dest dayî yewbînan û hemverê qezencanê Kurdistanî de hêrişan pê anî û wazenî şarê kurd bikerî mîyanê tarîyê û va: “No tarîxo pîrozin de ma vanê ke do Xoverdayîş tesilî ser bikewî. Serkewtiş bi tewbîyayîşê heme partîyanê welatperwer, demokratîk, rêxistin, komeleyê sîvîl û çar parçeyê Kurdistanî mumkun o. Ma bi hurmet Kawayê Hemdem, Mazlûm Dogan û Şehîd Zulkuf Gezenî vîr anî.” AMED
