Kemal Kûrkût ku berî 2 salan di dema pîrozbahiya Newrozê ya Amedê de ji aliyê polîsan ve hat qetilkirin, li ser gora xwe hat bibîranîn
Xwendekarê zanîngehê Kemal Kûrkût ku 21’ê Adara 2017’an dema ji bo pîrozbahiya Newrozê ya li Amedê hewl dida derbasî nava qada pîrozbahiyê bibe û ji aliyê polîsên tirk ve hatibû qetilkirin, li ser gora xwe ya li Goristana Toptaş a Batalgazî ya Meletiyê hat bibîranîn.
Malbata Kûrkût, rêveberên HDP’ê yên bajar û navçeyan û gelek welatî tev li merasîma bîranînê bûn.
Hevserokê HDP’ê yê Meletiyê Kemal Gedîk li merasîmê axivî û wiha got: “Kujer bi dilrehetî digerin. Dozeke vala vekirine û bi rengekî bêedalet ew berdane. Em vê yekê şermezar dikin û naxwazin êdî ciwanên me bên kuştin. Li dijî şer em daxwaza aştiyê dikin.” MELETÎ
