Erol Aydemîr ê li bajarê Caglîarî yê Girava Sardenya ya Îtalyayê ragihand ku bi armanca şikandina tecrîda li ser Ocalan roja Newrozê dest bi greva birçîbûnê kiriye
Berxwedana grevên birçîbûnê ku bi pêşengiya hevseroka KCD’ê Leyla Guven bi aramanca şikandina tecrîda li ser Rêberê Gelê Kurd Abdullah Ocalan hatine destpêkirin, berbelav dibin.
Bi vê armancê Erol Aydemîr ê li Girava Sardenya a li bajarê Caglîarî ê Îtalyayê jî dijî tecrîdê dest bi greva birçîbûnê kir.
Aydemîr bi daxuyaniyeke nivîskî çalakiya xwe ragihand. Aydemîr da zanîn ku li dijî tecrîdkirina Rêberê Gelê Kurd Abdullah Ocalan roja Newrozê greva birçîbûnê daye destpêkirin.
Her wiha Aydemîr bal kişand ser çalakiya fedaî ya Zulkuf Gezen û wiha got: “Mazlûm Dogan, careke îspat kir ku Newroz şêwazekek berxwedanê ye. Leylayan, Nasiran, Zulkufan ji Xeyriyan, Kemalan, Eliyan ala berxwedanê dewr girtin û ji nû ve dîrokê dinivîsin.” CAGLÎARÎ
