Danişîna doza darizandina rojnameger Emrah Çaçan hat taloqkirin
6’emîn danişîna doza darizandina rojnameger Emrah Çaçan, li 8’emîn Dadgeha Cezayê Giran a Agirî hat dîtin. Çaçan û parêzerê wî beşdarî danîşnê bûn.
Piştî danasîna nasnameyê danişînê dest pê kir. Çaçan, parastin kir û wiha got: “Weke welatiyekê Komara Tirkiyeyê, ew mafê min heye ku ez polîtîkayên hikûmetê rexne bikim û rexneyên xwe li ser madeya civakê parvê bikim. Dibe ku desthilatdara biryarên şaş bide. Ji ber vê em welatî mafê me heye ku em biryarên şaş ên desthilatdariyê rexne bikin û hewl bidin ku wan ji vê biryarê paşve vegerînin. Ew mafê me heye ku ew wan sewqî biryarên rast bikin. Di warê qanûnî de jî ev maf ji bo me hatiye dayîn. Di demokrasiyê de ev pêdiviyek sereke ye.”
Di danişînê de parezer û hin bersûcên negirtî jî parastin kirin. Şandeya dadgehê piştî parastinê, bi hinceta meteryalên dîjîtal bên lêpirsîn, danişîn taloqî 18’ê tîrmehê kir.
Çaçan di 6’êçileya 2017’an di serdegirtina malê de hat binçavkirin û di 13’ê çileya 2017’an de derbarê wî de biryara girtinê hat dayîn û şandin Girtîgeha Tîpa H a Bursayê. Çaçan ê 9 mehan girtî ma, di 14’ê îlonê de hat berdan. Çaçan ji ber parvekirinên meyda civakî, nûçeyên Ajansa Nûçeyan a Dîcle (DÎHA) çêkirin û parvekirin, tê darizandin. BÛRSA
