HPG’ê li Îdir û Şemzînanê li leşkerên artêşa tirk xist. Li Çelê jî bi firokeyên bê mirov ên bombebarkirî çalakî li dijî alaya leşkerî û qereqolê hate lidarxistin. Hate ragihandin ku di çalakiyan de herî kêm 3 leşker hatine kuştin
Navenda Ragihandin û Çapemeniyê ya HPG’ê li ser çalakiyên gerîla û bomberdûmana artêşa tirk daxuyaniyeke nivîskî weşand.
Di daxuyaniyê de hate gotin ku li Eyaleta Serhedê di çarçoveya Pêngava Serketinê ya Şoreşgerî de hêzên me 20’ê adarê li dijî artêşa tirk çalakî pêk anîn li qereqola Hirgovê ya Îdirê çalakiyeke sûîqestê kirin û di encamê de leşkerek hate kuştin. Heman rojê de li leşkerên li çepereke li qereqola Axurî ya li Îdirê xistin. Di çalakiyê de 2 leşker hatin kuştin.
HPG’ê da zanîn ku 21’ê adarê saet 05:40’î gerîlayan li dijî artêşa tirk li ser Girê Koordîne yê navçeya Çelê ya Colemêrgê çalakiyek pêk anîn. Derbên giran li çeper û stargehên li ser gir hatin reşandin, lê belê hejmara leşkerên mirî û birîndar nehate tespîtkirin.
Gerîlayan di 20’ê adarê saet 10:00 li dijî qeymeqamtiya Şemzînanê, alaya Rûbarokê û qereqola Zeytê bi firokeyên bê mirov ên bombebarkirî çalakî pêk anîn. Di van çalakiyan de ku firote li hedefan ketin, ziyana artêşa tirk nehate tespîtkirin.
HPG’ê diyar kir ku balafirên şer yên artêşa tirk Herêmên Parastinê yên Medyayê bombe kirin. BEHDÎNAN
