Vizêr sey seranserê Kurdistan Çewlîgî de zî roşanê xoverdayîş û newebîyayîşî Newroze bicoş ame pîrozkerdene. Şayîye de şexsê Leyla Guvene de xoverdayîşê grevê vêşanîye ame silamkerdene
Çewlîg de vizêr şar bi reng û vengê xo vejîya kuçeyan û roşanê Newroze pîroz kerd. Namzedê hemşaredarîya Çewlîgî Senem Çakase û Hîşyar Ozsoyî zî tewrê pîrozkerdişê Newroze bîyê û mesajê serkewtişî dayê. Namzedan ard ziwan ke ê do 1ê Nîsane de şaredarîye AKPyî ra bigêrê û şarê Çewlîgî bi îradeyê xo, xo îdare bikero. Şayîye de şexsê Leyla Guvene de xoverdayîşê grevê vêşanîye ame silamkerdene û ame vatene ke waştişê xoverdayoxan waştişê ma yê.
‘Wa Erdogan bigeno war, aşîtîye bêro û dadîyî biresê qijanê xo’
Hemwelatijanê ke mikrofonê PÎRHA rê qisey kerd ard ziwan ke ê do bi ruhê Newroze 31ê Adare de ser bikewê. Reyna dayikan ra yewe ya ke sey sembolê aşitî laçika sipî antebî xo, waştişê aştî ard ziwan û vat ke wa Erdogan bêro warginayene, aşitî bêro û heme dadîyê biresê qijanê xo .
Dima ra Çewlîgîjan adirê azadîye tafîna û dormeyê ci de govena azadîye girewte. Hunermende Mizgîn Tahîre û humermandanê herême zî bi deyîranê xo reng da şayîya Newroze. ÇEWLÎG
