Hemserekê HDPyî yê Stenbolî Cengîz Çîçekî seba Newroza ke do roja yewşeme Raşteyê Bazarî yê Bakirkoyî de bêra pîrozkerde veng da ker kesî û va: “Do siba Stenbol de biba roja apeyberdişê îqtîdarê AKP-MHPyî. Roja ke sıba şarê Stenbolî ser de akewo do pêroyê Tirkîye germ bikera. Ma do faşîzm apey bikerî û tecrîdî parçe bikerî. Ma do tesilî ser bikewî.”
Şarê Stenbolî do siba roja yewşeme bi silaganê ‘Ma do tesilî ser bikewî, ma tecrîdî şiknenî’ Raşteyê Bazarî yê Bakirkoyî de Newroza xo pîroz bikero. Hemserekê Partîya Demokratîke ya Şaran (HDP) yê Stenbolî Cengîz Çîçekî derheqê Newroza Stenbolî ke do siba bêra pîrozkerdene qisey kerd û her kesî dawetê Newroze kerd.
Çîçekî qiseykerdişê xo de va: “Do siba mîlyonêk zerrî pîya biqîrî û vajî ‘ma polîtîkayê tecrîdî yê ke Îmrali de pê yenî û pêroyê komelî de vila bîyo qebûl nêkenî.’ Çareserkerdişê no problemo ke bîyo problemê dinya, seba şarê Rojhelato Mîyanenî û Tirkîye yeno mehneya seyyewbînanî, edalet û yewî. Çaresernêkerdişê problemî tena ameyoxê şarê kurdî nê do yê heme şaran tarî bikero. Ocalan timî Newrozan de bale anceno yewîya şaran ser. Newroze yena manaya roja aştî, demokrasî û seyyewbnanî. Ganî ruhê Kawayo Asinkar sey ruhê heme şarê xoverdekar bêro vînayene. Ez veng dana şarê kurd û şaranê bînan ke rayanê xo nêdî îqtîdarê şerê taybet. Çimkî raydayîşê no hukmatî yeno manaya kayê hegemonyaya mîyandewletî û NATO.”
‘Ma do tecrîdî parçe bikerî’
Çîçekî tewr peynî veng her kesî ke tewrê Newroze bibî va: “Newroza emserrî zaf muhîm a. Do siba Stenbol de biba roja apeyberdişê îqtîdarê AKP-MHPyî. Roja ke siba şarê Stenbolî ser de akewo do pêroyê Tirkîye germ bikera. Ma do faşîzm apey bikerî û tecrîdî parçe bikerî. Ma do tesilî ser bikewî.” STENBOL
