Li Mêrsînê 14 kesên çend roj berê hatibûn binçavkirin, îro bi îdiaya ‘endamtiya rêxistinê’ derxistin dadgehê. Dozgeriyê Tûba Salman jî di nav de der barê 10 kesan de biryara girtinê da
Di 13’ê adarê de li Mêrsînê di çarçoveya lêpirsîneke Serdozgeriya Komarê ya Mêrsînê dabû destpêkirin, polîsan bi ser gelek malan de girtibû. Di encama serdegirtina malan de xebatkarên rojnameya Yenî Yaşamê Mûrat Sekmen û Tûba Salman û endamên Meclisa Ciwanên HDP’ê ya Mêrsînê jî di nav de 14 kes hatibûn binçavkirin.
Kesên hatin binçavkirin îro derxistin dozgeriyê û her 14 kes jî li dozgeriyê bi îdiaya ‘endamtiya rêxistinê’ hatin tewanbarkirin. Dozgeriyê rojnameger Mûrat Sekman jî di nav de der barê 3 kesan de biryara kontrola edlî da. Der barê 11 kesan de jî bi îdiaya ‘endamên rêxistinê ne’ biryara girtinê da û sewqî Dadgeha Cezayê Sulhê kir.
Navên kesên hatin binçavkirin
Kesên hatibûn binçavkirin wiha ne: “Xebatkarên rojnameya Yenî Yaşamê Mûrat Sekmen û Tûba Salman, endamên Meclisa Ciwanan a HDP’a Mêrsînê Senem Guven, Hûzbullah Ekîncî, Beşîr Kutlu, Baran Kalabay, Vedat Turgut, Diyar Turgut, Abdurrahîm Demîr, Agît Sezer, Fatma Oksuz, Hogir Hazar, Rojda Salman û Bariş Aydin.” MÊRSÎN
